Милевски: Резултатот не е реален, имавме многу повеќе шанси од Бугарија

Благоја Милевски, селекторот на македонската А репрезентација/фото: ФФМ

Благоја Милевски, селекторот на македонската А репрезентација, го коментираше поразот од Бугарија (0:1) во последното шесто коло од групата „4“ од Ц сегментот во Лигата на нации.

Нашиот стратег беше разочаран и смета дека победата на гостинската селекција не е заслужена.

– Немавме среќа што останавме со играч помалку толку рано на натпреварот. Ни требаше време да влеземе во мечот. Имавме многу шанси, но не успеавме да постигнеме гол. Резултатот не е реален, имавме многу повеќе шанси од Бугарија и заслуживме да постигнеме гол. Мислам дека имаше фер-плеј и коректност на спортски план. Но, не можеме да ги контролираме луѓето на трибините. Жал ми е за тоа, но тоа е тоа – рече Милевски.

Овој пораз може да значи преселба на нашата селекција во петтиот шешир во жрепката на 9 октомври за квалификациите за ЕП 2024.

До крајот на годината како што е најавено Македонија ќе одигра уште три пријателски мечеви, со Саудиска Арабија, Финска и Азербејџан.

Антов: Исвиркувањето на нашата химна нè мотивираше

Видео на денот