Милевски: Изборите за нов штипски градоначалник ќе се одржат во декември

Министерот за локална самоуправа Горан Милевски на прес-конференција истакна дека според Државната изборна комисија би требало да се одржуваат некаде на 13 декември – првиот круг и на вториот круг на 27 декември.

Тој се надева дека на ист ден треба да се одржуваат избори и во Општина Пласница поради испразнето градоначалничко место.

– Согласно законските рокови ја информиравме Владата и дадовме една предлог-одлука за констатирање на престан на мандатот на Благој Бочварски којшто стана министер за транспорт и врски. Владата го разгледала нашето барање и ја прифати одлуката и претпоставувам дека денеска ќе се најде и во рацете на Талат Џафери, кој единствено е надлежен да ги распише изборите во Штип, вели Милевски.

Прочитајте и...  Нови 1112 случаи со КОВИД-19, оздравени 709, починати 24 лица

Министерот соопшти дека, според ДИК и согласно законските рокови, тоа би значело изборите да се одржуваат некаде на 13 декември – првиот круг, и на 27 декември – вториот круг.

-Но, ние сметаме дека ДИК треба да го препрочита и законот и ако изнајде некоја најмала можност како што имаме вонредно парламентарни и претседателски избори, да го направи тоа по скратени рокови, да не мораат граѓаните да гласаат пред Нова година, во тој зимски период, вели тој.

Милевски посочи дека тие како Министерство и Владата ја завршиле нивната надлежност во текот на вчерашниот ден и сега останува Талат Џафери и ДИК да го прецизираат рокот кога ќе се одржуваат изборите.

Прочитајте и...  Етиопија им даде рок на бунтовниците од 72 часа: Предадете се мирно оти ќе бидете под жесток напад на армијата

– Мислам дека во ДИК има расположение и е спремна за пократки рокови, меѓутоа прашање е дали законот тоа му го дозволува, бидејќи во делот за локална самоуправа не се предвидени вонредни локални избори, рече тој.

Милевски потенцираше дека треба да се испланираат и рокови за вонредни локални избори во законот за локална самоуправа во случаи коишто се случуваат или за други функции или заради немили настани.

Поврзани вести

ВИДЕО: Девојче падна од третиот кат од станбена зграда, сите останаа вчудовидени како се спаси

Илинка Иљоска

Сојузот на здруженија на пензионери апелира да се обезбедат вакцини против грип за пензионерите

Слободен печат

Германски виролог објаснува за короната: Зошто Кинезите трошат многу кондоми, зошто луѓето не требаше да се затвораат дома и како правилно постапи Путин

Слободен печат

ФОТО: На аеродром во Багдад уапсен генералниот координатор на ИСИС

Илинка Иљоска

Поради штрајк граничниот премин Евзони утре ќе биде затворен за сообраќај

Слободен печат

Мицкоски: Разочаран сум и лут од справувањето на властите со пандемијата

Слободен печат

Остави Коментар