Милан за 55 милиони евра го купува напаѓачот на Атлетико!? – Слободен печат
СпортФудбал

Милан за 55 милиони евра го купува напаѓачот на Атлетико!?

Напаѓачот на Атлетико Мадрид, Анхел Кореја е на „мета“ на Милан, а раководството на „росонерите“ е подготвено да плати 55 милиони евра за овој трансфер.

Според италијанскиот новинар Џанлука Ди Марцио, на „Сан Сиро“ веруваат дека можат да го ангажираат аргентинскиот интернационалец Кореја (24) чии интереси ги застапува португалскиот менаџер Жорж Мендеш.

Воедно, се шпекулира дека можно е Андре Силва да биде продаден на Монако, а Патрик Кутроне на Вулверхемтон.

Мендеш исто така работи на реализација на тие евентуални трансфери во текот на летниот преоден рок.

Кореја во 2014 година од Сан Лоренцо дојде во Атлетико, а минатата сезона реализираше пет голови и запиша четири асистенции во 49 мечеви во сите натпреварувања. Има договор со „јорганџиите“ до 30 јуни 2024 година.

Да додадеме уште дека легендата на Милан, сега технички директор на клубот, Паоло Малдини ги демантираше гласините дека клубот преговара за трансфер на хрватскиот капитен од Реал, Лука Модриќ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close