Милан со нов договор за Златан Ибрахимовиќ
Како што информираат италијанските медиуми, шведскиот ветеран одлучи и во следната сезона да ги брани боите на „росонерите“.
Златан Ибрахимовиќ на почетокот од годината дојде во Милан како слободен играч, но потпиша договор само до крајот на сезоната.
Zlatan @Ibra_official renewed his contract with @acmilan till 2021, deal done @SkySportsNews
— Gianluca Di Marzio (@DiMarzio) August 27, 2020
Сезоната 2019/20 во италијанската Серија А заврши пред еден месец, а Ибра имаше дозвола да преговара со други клубови. Но, во Милано беа одлучни да го задржат Швеѓанецот кој покажа во вториот дел од сезоната (10 голови во 18 лигашки натпревари) дека е големо засилување и покрај неговите 38 години.
Познатиот италијански новинар Џанлука Ди Марцио објави на Твитер дека Ибрахимовиќ го продолжи договорот (вреден седум милиони евра според „Скај Спорт“) до лето 2021 година. Наскоро се очекува и официјална потврда од клубот.
Почетокот на новата сезона во Италијанскиот фудбалски шампионат е закажан за 19 септември, иако одредени клубови бараат да стартуваат нешто подоцна со цел да добијат дополнителен одмор.