Милан Кундера по 40 години повторно државјанин на Чешка – Слободен печат
ВестиПланета

Милан Кундера по 40 години повторно државјанин на Чешка

Амбасадорот на Чешка во Франција, Петр Друлак за чешката телевизија изјави дека минатата недела му врачил на 90-годишниот Кундера документ за државјанство на Чешка во неговиот стан во Париз.

Познатиот писател Милан Кундера повторно е државјанин на Чешка, откако му е врачено државјанство по 40 години откако истото му беше одземено.

Амбасадорот на Чешка во Франција, Петр Друлак за чешката телевизија изјави дека минатата недела му врачил на 90-годишниот Кундера документ за државјанство на Чешка во неговиот стан во Париз.

Враќањето на државјанството на писателот на книгата „Неподнослива леснотија на постоењето” е резултат на минатогодишниот состанок на Кундера со чешкиот премиер Андреј Бабиш во Париз.

Кундера замина од комунистичката Чешкословачка и од 1975 година живее во Франција, каде ги објави некои од најпознатите дела, како што се „Книга на смеата и заборавот”, „Уметност на романот” и „Бесмртност”.

Неговите подоцнежни дела се пишувани на француски, но не се преведени на чешки јазик.
Кундера повеќепати ја посетил Чешка, но никогаш не разговарал со новинарите.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close