Бразилецот пред една ипол година пристигна во Милан како голема желба на тогашниот спортски директор, Леонардо.

Тој ветуваше во сонародникот и успеа да ја добие битката со ПСЖ и Манчестер сити за негов ангажман. Трансферот изнесуваше 38 милиони евра со бонуси.
Но, по 18 месеци, Леонардо повеќе не е дел од Милан, а ниту Пакета ги оправда очекувањата и покажа дека може да биде новиот Кака. Бразилецот на 44 натпревари во дресот на Милан постигна само три гола и имаше уште толку асистенции, а новата управа на клубот летово бараше начин како да се ослободи од него.

Bem-vindo Lucas Paquetá ! ??#Paqueta2025 pic.twitter.com/Sqxk3ttQO3

— Olympique Lyonnais (@OL) September 30, 2020

На крајот, решението го најде во Франција, но не во ПСЖ туку во Олимпик Лион кој се согласи да плати 21 милион евра плус одреден процент од наредната продажба. Милан со овој трансфер загуби дури 17 милиони евра, но целта им беше по секоја цена да се ослободат од Пакета.

– Ни беше потребно да донесеме засилување какво што е Лукас Пакета. Сакаме да создадеме силен тим и ова е вистински чекор во таа насока – изјави Жан-Мишел Ола, претседателот на Олимпик Лион.