Мик Џегер повторно на филмското платно: Уживам додека глумам! (ВИДЕО)
Без разлика на тоа дали настапува пред арена преполна со десетици илјади обожаватели или глуми во филм, легендарниот Мик Џегер вели дека искуството во суштина е исто, бидејќи тој и натаму настапува.
Мик Џегер (76) во последната улога во трилерот „The burnt orange heresy“, глуми богат колекционер на уметнини на Џозеф Касиди, пренесува Ројтерс.
Филмот, во кој глуми и Доналд Сатерленд, а кој е снимен во вила на езерото Комо, беше промовиран синоќа во кино салите ширум Њујорк и Лос Анџелес.
Иако се појавува само во две сцени, ова е најголемата улога на Џегер од 2001 година, кога глумеше во филмот „Elysian fields“.
– Актерството не е голем дел од мојот живот, но кога глумам секогаш уживам во тоа – вели Џегер за Ројтерс.
– Ова е друг вид на настап. Сакам да правам работи кои ме интересираат, без разлика дали станува збор за актерство, музика, комедија или што било – рече тој.
