Во Основниот кривичниот суд пристигнаа Сашо Мијалков, Блерим Беџети, Муса Џафери и Синиша Алексовски, кои денеска се повикани во судот како сведоци за случајот “Монструм”.

Тие се повикани бидејќи нивни прислушувани разговори во врска со петкратното убиство кај Смиљковското Езеро се слушаа на минатите рочишта.

Потребата од нивното сведочење произлегува од разговорите во „бомбите”, презентирани претходно во оваа судска постапка, каде што се слушаат или споменуваат имињата на денешните сведоци како лица што знаат нешто повеќе за петкратното убиство кај Смилковско Езеро, на 12 април 2012 година.

На последните рочишта за овој предмет сведочеа повеќе сегашни и поранешни функционери од извршната власт, меѓу кои и Гордана Јанкуловска, Зоран Заев, Али Ахмети, Бујар Османи, Џелал Бајрами и Љупчо Тодоровски-Радникот.