Српскиот тренер на Болоња, Синиша Михајловиќ вели дека репрезентацијата на Италија има големи шанси низ баражот да се пласира на Светското првенство во Катар.

Покрај дуелот Португалија – Турција, Италијанците се нашиот противник во полуфиналето од плеј-офот на 24 март во Палермо, а пет дена подоцна ќе се игра и финалето.

– Мислам дека нема да биде лесно, но Италија е фаворит, и против Македонија и против Португалија во финалето.

Поразлично е во репрезентацијата, во тие натпревари доколку играчите се во добра форма, може да ја направат разликата. Зависи од моментот, од повредите, од минутажата, ѐ може да се случи – рече Михајловиќ.

Во останатите бараж мечеви за СП се сретнуваат: Велс – Австрија, Шкотска – Украина (одложено) и Шведска – Чешка. Полска поради суспензијата на Русија е веќе во финалето и за место на Мундијалот ќе игра против Швеѓаните или Чесите.