Михајловиќ: Имам леукемија, агресивна е болеста...! - Слободен печат
СпортФудбал

Михајловиќ: Имам леукемија, агресивна е болеста…!

Српскиот тренер Синиша Михајловиќ на денешната прес конференција ја потврди болеста со која се соочува која претходно ја објавија италијанските медиуми.

Михајловиќ се обрати пред јавноста и потврди дека има леукемија, но и покрај тешката болест, Србинот ќе остане тренер на екипата на Болоња.

Сите се шокирани од информацијата дека Миха боледува од леукемија и го чека голема борба.

– Кога дознав, плачев со денови. Но, тие не беа солзи на страв. Ја почитувам оваа болест. И ќе се соочам со нејзе. Со скршени гради, гледајќи ја во очи, како што и го правев тоа досега – рече Михајловиќ.

Останува тренер на Болоња, тие зборови ги потврди и директорот на клубот, Себатини.

– Едвај чекам да одам во болница и да почнам да се борам. Агресивна е болеста, но може да се победи. Им објаснив и на играчите, сите беа во солзи. Им објаснив дека мораме да напаѓаме и да одиме на победа. Ако седиме и само се браниме, веднаш ќе бидеме нокаутирани. Морам да користам и мои тактики во оваа борба и немам никаква дилема дека ќе победам – додаде Миха.

Сличен случај имаше годинава и во Севиља со Капарос кој исто така соопшти дека има леукемија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close