Во саботата во Мајорка одржана е церемонија на која се венчаше ќерката на Михаел Шумахер, Џина со нејзиниот долгогодишен партнер, Јан Бек. Според одредени медиуми на венчавката присуствувал и Михаел кој повеќе од десет години е далеку од очите на јавноста.

Како што објави „Дејли мејл“ гламурозниот настан бил под строги мерки на приватност и гостите морале своите телефони да ги остават пред влезот на вилата. Целта била да се сочува интимата на семејството.

Но, најмногу внимание привлекоа гласините за кои пишуваше и германскиот „Билд“, а кои говорат дека на венчавката присуствувал и самиот Михаел Шумахер.

„Дали Михаел навистина присуствувал на венчавката во саботата? Можно е. Дури и многу веројатно. Меѓутоа, ако присуствувал не седел заедно со сите гости во дворот, туку во просторија каде што пристап имале само членовите од најтесното семејство“, изјави „Билд“.

Како што е познато, Шумахер во 2013 година доживеа тешка несреќа на скијањето на француските Алпи и од тој момент неговото семејство не открива детали за неговата состојба.