МИГРАНТСКАТА КРИЗА ИМ ПРАВИ ПРОБЛЕМИ: Граничната полиција на Босна не може да ги заштити своите граници
Директорот на Граничната полиција на Босна, Зоран Галиниќ, предупредува дека таа служба не може сама да ги штити границите на БиХ и дека и недостасуваат околу 1.000 службеници за успешно да се носи со мигрантската криза, пренесува Дневни аваз.
Галиќ во интервју за Аваз истакнал дека и покрај тоа, тие во соработка со други полициски агенции успеале да спречат влез на повеќе од 7.000 нелегални мигранти.
Според неговите зборови, во решавање на мигрантската криза во БиХ, потребно е поактивно да се вклучат не само домашни, туку и меѓународни надлежни институции и агенции, од кои се очекува и материјална и финансиска помош.
Галиќ потенцирал и дека Граничната полиција на Босна има 2.051 службеник, додека соседна Хрватска има околу 6.000 гранични полицајци, истакнувајќи со тоа дека земјите на ЕУ имаат далеку подобра и поквалитетна опрема од онаа која се користи во БиХ.