Мицотакис во четиридневна посета на Кина

Привлекување инвестиции, дополнително зајакнување на бизнис врските на двете земји, како и вклучување на Грција на светската економска мапа се главите цели на грчкиот премиер Кирјакос Мицотакис за време на четиридневната посета на Кина и учеството на Грција на Меѓународниот саем за увоз во Шангај, јави дописничката на МИА од Атина.

Заменикот министер под премиерот и портпарол на грчката влада, Стелиос Пецас на редовниот брифинг со новинарите во вторникот рече дека Мицотакис, за време на посетата, на неговите соговорници ќе им го претстави големиот број динамични сектори и можностите што ги нуди грчката економија.

– Особено во областа на енергетиката и обновливите извори на енергија, во логистиката и трговскиот транспорт, каде што веќе има силен кинески интерес, преку инвестицијата на COSCO на пристаништето Пиреја. И секако, во туризмот и пазарот на недвижности. Стотици кинески граѓани веќе ја искористија програмата Golden Visa. До крајот на септември, кинеските граѓани зеле 65 отсто од дозволите за престој дадени за минимална инвестиција од 250.000 евра, рече Пецас.

На саемот, Грција е една од почесните земји учеснички, а во грчката делегација се претставници на 60 грчки компании од различни области, а се предвидени и директни средби со над 200 претставници на кинески компании за да се разгледаат можностите за соработка.

Во понеделник ќе се одржи и Бизнис форум на кој што ќе присуствува и грчкиот премиер, како и претставници на кинеската Влада, а предвидена е средба на Кирјакос Мицотакис со кинескиот претседател.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот