Мицкоски: Ви ветувам во првите 6 месеци секој кој што се огрешил пред законот и пред Уставот ќе биде процесуиран

Претседателот на ВМРО-ДПМНЕ, Христијан Мицкоски вечерва од Ѓорче Петров порача дека на 15-ти јули по доаѓање на обновата во Република Македонија ќе се стави крај на криминалците и ќе се донесат многу проекти кои ќе бидат од корист на граѓаните.

-На власта, кожните фотелји, дебелите персијанци, долгите лимузини и беа приоритет. Бидејќи така сакавте, така и ќе завршите. На 15-ти јули ќе ве пратиме на темната страна на историјата и жестоко ќе ве победиме. Оваа коалиција, овој народ овде има да ви покаже како се љуби татковината, како се сака Македонија. Обединет, сплотен Македонецот, Албанецот, Босанецот, Турчинот, Ромот, Влавот, Србинот, сите еден до друг ќе се борат за својата Македонија“, нагласи Мицкоски.

Мицкоски додаде дека македонскиот народ ќе се бори за подобра Македонија, за која секој еден сонува.

-Сакам да кажам неколку реченици и за она што можеа, бидејќи нели е таков слоганот на оваа власт, велат можеле. Јас би рекол „Можевте“, а тоа е минато завршено време. А, што можевте? Можевте да работите, можевте наместо да го понижувате, омаловажувате овој народ, наместо да ја парчите, распарчувате, делите и осрамотувате нашата држава, нашата татковина. Можевте да ја направите горда, достоинствена, почитувана, сакана дома а почитувана во светот. Но не, вие тоа не го направивте. Вие тоа не сакавте да го направите, затоа што за вас поважен беше грст од жолтици, привилегии, луксуз, на грбот на овој напатен народ. Тоа беше за вас поважно. Можевте многу повеќе да работите, можевте и навистина ако работевте тие 500 евра просек плата да ги донесете. Но не, вие не ги донесовте, затоа што за вас беа поважни Луј Витон ташните“, истакна Мицкоски.

Прочитајте и...  251 граѓанин казнет бидејќи не носел заштитна маска

Мицкоски рече дека оваа власт многу ветуваше на пензионерите, земјоделците, студентите, но за жал ништо не остварија и поради тоа ќе ги стаса казната на 15-ти јули. Ветуваа дека ќе донесат правда, но за жал донесоа криминал, корупција.

-Ама затоа после 15-ти јули јас ви ветувам во првите 6 месеци секој кој што се огрешил пред законот и пред Уставот ќе биде процесуиран, јас ви ветувам. Да го знаете ова, кажете им, правда и закон мора да има во оваа држава. Од Куманово до Гевгелија, од Дебар до Делчево, нема веќе привилегирани политичари. Нема веќе да има привилегирани семејства. Секој кој што се огрешил, секој има да одговара“, вети Мицкоски на граѓаните.

Прочитајте и...  Најмалку две жртви при уривање на зграда во Лагос

Мицкоски посочи дека по 15-ти јули ќе започне обновата на Република Македонија, ќе се вратат насмевките на граѓаните, ќе се врати оптимизмот.

-Во „Проект – Обнова“ има за секого нешто. Таму има и 25% зголемување на просечната плата во еден мандат, има и 20% зголемени пензии во еден мандат и враќање на старото законско решение. Таму има минимум 1000 километри реконструирани  патни правци локални и регионални. Таму има повеќе од 4 милијарди евра инвестиции, домашни и странски. Таму има најнизок данок, најнизок данок во Европа од 8%, да им покажеме како се полни буџетот но не на товар на граѓаните, не на товар на народот, туку на товар на додадената вредност која што ќе ја направиме во економијата. За секој оној кој што ќе вработи човек до 29 години нула проценти данок за интегриран здравствен систем од 4 клинички центри“, нагласи Мицкоски.

Прочитајте и...  Мицкоски: Заев е кошмар за Македонците, но е најпосакуван сон за соседите (ВИДЕО)

Мицкоски сосема на крај од Ѓорче Петров порача дека крајот на СДСМ е се поблиску. На 15-ти јули ќе ја добијат и својата казна.

Прочитај повеќе

Косово со поригорозни мерки против коронавирусот, нема прогласување на вонредна состојба

Слободен печат

Клиниката за торакална и васкуларна хирургија доби една од најсовремените операциони сали во регионот

Слободен печат

Црногорската опозиција обединета во Граѓански блок ќе настапи на парламентарните избори

Слободен печат

Македонија лидер во регионот по употреба на платежни картички

Слободен печат

СДСМ со соопштение за „бомбата“: Во очаен обид да се исценира некаков скандал заборавиле да го исечат она „марш“

Слободен печат

Вучиќ: Договорени се темите за состанокот во Брисел

Слободен печат

Остави Коментар

Прочитај повеќе

Извештај: Повеќе околности доведоа до соборувањето на украинскиот авион во Техеран

Слободен печат

Нови 136 случаи на коронавирус, починаа шест лица, а оздравени се 123 пациенти

Слободен печат

Промашена „бомба“ за Заев: Тој вели „мaрш“, а напишано е „важи“ (ВИДЕО)

Слободен печат

Состојбата не се подобрува: Нови 287 случаи на коронавирус во Србија, 11 лица починаа

Слободен печат

Заев: На 15 јули излези и гласај за заедно да ја градиме нашата иднина (ВИДЕО)

Слободен печат

Бесплатна телефонска линија во канцеларијата на Народниот правобранител на денот на изборите

МИА Агенција