Мицкоски: Прогонот на политички неистомисленици стана секојдневие за власта и мора да запре
Овој политички прогон, кој се случува поради немоќта на власта, мора веднаш да запре. Власта е во паника дека се ближи денот за соочување во лице со вистинската, чиста правда, меѓутоа ова што го прави, македонскиот народ не го заборава и ќе ја казни час поскоро, порача претседателот на ВМРО-ДПМНЕ, Христијан Мицкоски од денешниот протест со автомобили низ Скопје.
– Македонија стана земја на криминалци, на мафијаши на власт и на неправда. Има за врхушката на власт, а нема за народот. Прогонот на политички неистомисленици стана секојдневие за власта, која го прикрива стравот од казната што и следува од народот. Криминалот и корупцијата на власта се сериозни проблеми со кои се соочува државата, а вмешаноста во корупциски скандали и афери на луѓе од власта и блиски до Заев стана нормалност, истакна опозицискиот лидер.
Автомобилски протести попладнево, освен со Скопје, се одржаа и во Куманово, во Прилеп, во Битола, во Штип, во Велес и во Охрид.