Мицкоски: Не прифаќаме избори на 5 или 8 јули
За ВМРО-ДПМНЕ прва возможна дата кога тоа би било можно е средината на јули, рече Мицковски.
ВМРО-ДПМНЕ нема да учествува на изборите доколку тие се одржат на 5 или 8 јули, изјави денеска на прес конференција лидерот на оваа партија Христијан Мицкоски.
За ВМРО-ДПМНЕ прва возможна дата кога тоа би било можно е средината на јули, рече Мицковски. Тој упати ултиматум до СДСМ до крајот на денот да се предомислат, инаку земјава ќе е во криза.
– Ќе имаме избори кога ќе имаме јасни протоколи за заштита на здравјето на нашите сограѓани. Ако сака да оди на избори, нека оди. Јас нема да поддржам и да го легитимирам тоа. ВМРО-ДПМНЕ нема да биде дел од тие избори ниту на 5 ниту на 8 јули. На состанокот кај Пендаровски се слушаше само 8 јули. Ние имаме два услови, јасни протоколи за здравјето на граѓаните, а втор е мисијата на ОБСЕ/ОДИХР да биде присутна на изборите. Тоа што го соопшти денес ОБСЕ/ОДИХР е невозможно да се случи. Доколку ОБСЕ/ОДИХР ја воспостави мисијата денеска, тогаш кампањата може да почне утре. Од она што можам да го видам е дека ОБСЕ/ОДИХР нема да праќа набљудувачка мисија туку оценувачка мисија. Тоа е степен подолу од набљудувачката мисија. Според ОБСЕ/ОДИХР тоа ќе бидат седуммина. А најрано можат да дојдат е 17 јуни, а не порано од 22 јуни, што значи дека ако одлучи Зоран Заев и СДСМ да води избори на 5 и 8 јуни ќе започнат без мисија на ОБСЕ/ОДИХР што е надвор од вредностите на Европската Унија – додаде Мицкоски.