Мицкоски до Палмер: Потребно е ресетирање на општеството и безусловна борба против корупцијата
Претседателот на ВМРО-ДПМНЕ, Христијан Мицкоски, се сретна со Американскиот заменик-помошник државен секретар за европски прашања, Метју Палмер.
На средбата зборувале за актуелната политичка состојба, се потенцирано значењето за стратешкото партнерство со САД, како и потребата за остварување на стратешките цели за напредок во интегративните процеси на земјата, соопштија од ВМРО-ДПМНЕ.
Мицкоски истакнал дека е за интензивни односи и соработка со САД за сите прашања кои се од заеднички интерес, обезбедувајќи стабилност и развој на процесите. Тој на Палмер му посочил дека потребно е ресетирање на општеството и безусловна борба против корупцијата и апсолутна правда.
Потребно Македонија да се стави на брзата трака за членство во Европската унија преку сериозни сеопфатни реформи, му рекол Мицкоски на Палмер.