Мицкоски бара да се ослободат од работа бремените жени
Поради високата загаденост на воздухот, паралелно со пандемијата на ковид-19, апелирам бремените жени да се ослободат од работа, и во приватен и во државен сектор, напиша на Фејсбук лидерот на опозициската партија ВМРО-ДПМНЕ.
-Вчера истото предложив да се случи со хронично болните чие здравје е под ризик. Бројот на починати и на заразени на дневна основа кажува колку е алармантна состојбата, затоа мора бремените жени да ги заштитиме од овој ризик- напиша Мицкоски.
Наместо политиканство на Владата, мешетарење и нарачани теми потребни се одлуки, вели тој, да спасиме живот!
Лидерот на ВМРО-ДПМНЕ, Христијан Мицкоски вчера апелираше поради високата загаденост на воздухот, паралелно со пандемијата од ковид-19, хронично болните да се ослободат од работа.
Мицкоски: Поради загаденоста на воздухот и ковид-19 да се ослободат од работа хронично болните