Мицкоски: Претходната влада беше најслабата во изминативе 30 години

Фото: ТВ Алсат/360 степени

Претседателот на ВМРО-ДПМНЕ, Христијан Мицкоски, во вечерашното гостување во емисијата „360 степени“ на ТВ Алсат рече дека и натаму стои на ставот дека оваа Влада не може да направи ништо подобро од претходната.

Мицкоски вели дека може да седи настрана и да продолжи да ја критикува власта, меѓутоа според него тоа не е решение, и затоа се потребни предвремени парламентарни избори.

„Ние можеме да седиме на страна да си работиме тоа што си работиме, да го критикуваме тоа што не чини, да имаме комотна позиција и едноставно да видиме како се одвиваат работите. Јас сум силно убеден дека овој капацитет на луѓе, и персонален, но и програмски, не може на направи ништо подобро од според мене најслабата влада во изминативе 30 години во Македонија, а тоа е претходната влада. Можеби ќе се сложите, можеби не, можеби дел од гледачите да се сложат, дел нема да се сложат, но тоа е моето мислење. И сега ако јас сум убеден, не велам дека сум 100% во право, но истовремено дали ние го имаме тоа време, и тој комфор да дадеме дополнителни три месеци, да дадеме дополнителни четири, шест месеци, дали го имаме тоа право, како политичари, бидејќи ние излегуваме пред граѓаните и се декларираме дека сме одговорни, и дека како луѓе сакаме да направиме нешто за ова наша држава“, изјави Мицкоски.

Тој најави и дека се планира внатрешна реорганизација на ВМРО-ДПМНЕ, која ќе вклучува и зголемување на бројот на потпретседатели на партијата.

-Во понеделник ќе имаме седница на Централниот комитет, на која ќе се гласа за нови членови и состав на Извршниот комитет. Ќе имаме проширување, но и подмладување на партијата. Ќе бидат 28, 29 членови, а исто така ќе се зголеми и бројот на потпретседатели на партијата, од двајца на четворица. Сметам дека овие лица и состав ќе имаат сериозен државнички капацитет, рече Мицкоски во гостувањето на емисијата „360“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот