МИ: Македонските ракометарки ги загубија шансите за полуфинале
Денеска македонската женска репрезентација го претрпе и вториот пораз на Медитеранските игри во Оран, Алжир. Во рамките од второто коло во групата „Б“ избраничките на селекторот Љубомир Савевски загубија од Србија со 18:26.
Се играше гол за гол до 22 минута кога Србинките се одвоија на „плус четири (6:10). Се врати македонската селекција со серија од 4:1 за само „минус еден“ на семафорот (10:11).
Во понатамошниот период неколку пати израмнивме, а при нерешени 16:16 противникот повторно направи серија 9:1 (17:25) што се покажа како значајно за крајниот исход.
За македонската репрезентација по пет погодоци најефикасни беа Дукоска и Кипријановска, а на спротивната страна осум гола беа дело на Јововиќ.
После стартниот пораз од Турција со 27:34, нашите ракометарки ги загубија шансите за пласман во полуфиналето. На табелата води Србија со шест бодови, по три имат Турција и Португалија, ниту еден Македонија. В сабота ќе го играме последниот трет меч во групната фаза против Португалките.