Актерот Метју Меконахи прозборе за своите животни искуства. Тој во своите мемоари насловени „Greenlights“ откри тајни од неговиот приватен живот за кои јавноста досега не знаела.

Меконахи (50) ги категоризирал настаните во неговиот живот како зелено, жолто и црвено светло – моменти што го натерале да забрза, го предупредиле или го натерале да застане.

Меѓу овие приказни, актерот од „Dallas Buyers Club“ во книгата раскажал и за сексуалните злоставувања кои ги преживеал како тинејџер, податоци кои го шокираа светот.

Првиот инцидент се случил кога имал само 15 години, вториот се случил кога имал 18 години, иако изјавил дека „никогаш не се чувствувал како жртва“.

„Ме уценуваа да ја изгубам невиноста, имав 15 години. Бев сигурен дека ќе одам во пеколот за секс пред брак. Денес, не сум сигурен иако се надевам дека нема да се случи тоа“, напишал Метју.

Три години подоцна, повторно бил малтретиран, но единствено што открил во мемоарите било дека човекот го нокаутирал во комбе.

Актерот не навлегувал во детали за сексуалната злоупотреба, туку рекол: „Никогаш не сум се чувствувал како жртва“.

„Имам многу докази дека светот заговара да ме направи среќен“, изјавил актерот.

Минатата недела за магазинот „People“, Метју откри дека неговиот татко Џејмс Доналд Меконахи починал додека бил во кревет со сопругата Кеј.

„Ми се јави мајка ми. „Татко ти почина“. Ми се пресекоа нозете. Не можев да поверувам. Татко ми почина. Никој и ништо не можеше да го убие. Освен мајка ми. Тој секогаш ми велеше мене и на моите браќа: „Момци, кога ќе заминам, тоа ќе биде додека водам љубов со вашата мајка“. И така и се случи. Тој доживеал срцев удар за време на оргазам“, изјави Метју.

Џејмс почина во 1992 година, се развел од Кеј два пати и се оженил со неа три пати. После третата венчавка, се родил Метју.

„Тие беа насилни на моменти. Како што објаснив во книгата тие така комуницираа. Се разведоа двапати, се венчаа трипати. Тоа навистина беше Тихиот океан среде бура“, рече актерот.