Метеоролозите открија до кога ќе врне дожд
Под влијание на влажен воздушен бран од запад, во Македонија во следните часови, како и во текот на претстојната ноќ ќе има врнежи од дожд, прогнозираат метеоролозите.
Локално, врнежите ќе бидат интензивни, а се очекуваат и над 20 литри на квадратен метар. На повисоките планини на западот и северозападот од земјата, врнежите од дожд ќе преминуваат во снег.
Од утре, на првиот ден од пролетта, се очекува да продолжи периодот на стабилно, суво и претежно сончево време со пролетни температури кој насекаде ќе надминуваат 15 степени, додека во најтоплите централни и југоисточни предели, тие ќе се искачат до 23 степени.
Во Скопје и околината исто така ќе има врнежи од дожд, особено вечерва и во текот на ноќта, велат од УХМР.