Мета во обид да ги седне на маса опозицијата и мнозинството, Рама одби средба

Фото: Балканвеб

Три дена пред локалните избори во Албанија, претседателот Илир Мета се обидува да ги седне на маса мнозинството и опозицијата. Мета во моментов одржува средба со претседателот на Демократската партија, Љуљзим Баша во своите канцеларии.

Синоќа, шефот на албанската држава му упати писмо за средба и на премиерот Еди Рама, на кого му побара да се сретнат со цел надминување на политичката криза, но тој категорично ја одби поканата на Илир Мета со образложение дека е зафатен со кампањата за изборите од 30 јуни, пренесува Балканвеб.

Мета синоќа и по втор пат упати писмо до Рама објаснувајќи дека ќе го чека албанскиот премиер од 5 часот наутро за да се сретнат. Па така, Мета навистина денеска во пет часот наутро се појави пред своите канцеларии да го чека Рама, но тој сеуште не се појавил.

Политичката криза во Албанија, која последниве денови се повеќе се вжештува, трае веќе неколку недели, односно по поништувањето на изборниот датум од страна на Мета, одлука која не е прифатлива за мнозинството.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот