Мета побара предвремени претседателски и парламентарни избори - Слободен печат
ВестиРегион

Мета побара предвремени претседателски и парламентарни избори

Тој изјави дека предлогот за предвремени избори е негово решение, а ако Рама има друг предлог за решавање на кризата, добредојден е да го објави.

Албанскиот претседател Илир Мета денеска предложи одржување на предвремени парламентарни и претседателски избори, со цел решавање на политичката криза во Албанија на 13 октомври, за кога беше декретирaн датумот за локалните избори, по поништувањето на 30-ти јуни.

На прес конференција, Мета рече: „На 13 октомври и општи избори и претседателски избори. И јас ќе се кандидирам за претседател со овие овластувања. Еди Рама и Социјалистичкото собрание кои не ме сакаат нека кандидираат кого сакаат. Ова е патот што ја решава оваа ужасна криза на застапеност”.

Мета нагласи дека не побарал од премиерот Рама да си замине од фотелјата, туку се обидел да ја реши кризата бидејќи нема отпочнување преговори без учеството на опозицијата на изборите.

Тој изјави дека предлогот за предвремени избори е негово решение, а ако Рама има друг предлог за решавање на кризата, добредојден е да го објави.

– Не ме интересира кој ќе победи, Баша или Рама, но повеќе не сакам да изгуби Албанија за политички игри и игри на амбасади – рече Мета, пренесува Топ Чанел.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close