Мета по завршување на мандатот се враќа во политиката за да ја засили опозицијата

Фото: EPA-EFE/Malton Dibra

Албанскиот претседател Илир Мета изјави дека со нетрпение го чека 24 јули, кога му завршува мандатот, по што ќе даде голем придонес во политиката, каде ќе биде многу активен.

Гостувајќи во телевизиска емисија оценува дека земјата има потреба од засилување на опозицијата и оти „тој ќе го направи тоа”.

-Неопходно е засилување на опозицијата и јас ќе бидат ангажиран токму на тоа. Сметам дека главниот проблем со кој се соочува земјата е враќањето на суверенитетот на народот кон политиката и институциите. Ова е и мојата обврска во следните 30 години, рече Мета.

Додаде дека до сега негов главен приоритет била европската интеграција и оти, тоа и порано го кажал, заради интеграцијата „го нарушивме суверенитетот”.

-Но, ова не само што го поткопа суверенитетот, туку и не ја забрза интеграцијата. Сега во следните 30 години дополнително ќе го зајакнеме суверенитетот, посочи Мета.

На прашањето дали сепак би прифатил втор мандат доколку му биде понуден тој со одговор дека тоа е неможно.

-Ќе имам втор мандат по 25 години, рече тој.

Мета(53) за претседател беше избран во април 2017 а петгодишниот мандат му завршува на 24 јули годинава

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот