Мета му пиша писмо на Рама на тема ковид-19: Одиме кон катастрофа што треба да се спречи
Албанскиот претседател Илир Мета, во писмо до премиерот Еди Рама, до министерката за здравство, Огерта Манастирлиу и првиот параментарец Грамоз Ручи, оценува дека „ситуацијата оди кон катастрофа која треба навремено да се спречи”.
Со влошувањето на така тешката политичка и институционална криза, особено по бруталното и еднострано кршење на Договорот за изборниот законик од 5 јуни постигнат со консензус, се очекува состојба со пандемијата да се влоши до катастрофа што мора да се спречи навреме, наведува Мета.
Тој, исто така, нагласува дека во овој момент е потребно целосно преиспитување на состојбата и преземените мерки.
Со оглед на значителното влошување на состојбата со пандемијата ковид-19, со зголемувањето на бројот на заразени лица и, за жал, со зголемувањето на бројот на граѓани кои ги загубија своите животи, неопходна е целосна проценка на состојбата и преземените мерки во врска со тоа, имајќи го предвид и зимскиот период, како и други отежнувачки фактори, додаде Мета.
Покрај предупредувањето, Мета поставува 11 прашања до премиерот, до Собранието и до Министерството за здравство за состојбата и мерките што се преземаат против ковид-19.
Во Албанија вчера како последица од ковид-19 починаа седум лица што е највисока бројка до сега, додека бројот на новодијагностицирани дневно е во просек околу 300 или 22 отсто од тестираните.