Албанскиот претседател Илир Мета, им посака на граѓаните на Албанија  убав ден, а исто така и му се потсмеа на премиерот Еди Рама, преку видео од поранешниот диктатор Енвер Хоџа, пренесува Балканвеб.

Мета објави видео во кое се појавува Енвер Хоџа, велејќи: “Мобилизирајте се сите како едно тело за да го надминеме нашиот план”, а зад него се појавува сликата на севернокорејскиот диктатор Ким Џонг Ун.

Пораката на шефот на албанската државата доаѓа само два дена по 30-ти јуни, денот кога социјалистите се упатија кон избирачките места, победувајќи низ сите општини, бидејќи опозицијата не беше во трката.