Албанскиот претседател Илир Мета, откако не ги потпиша и му врати три закони на премиерот Еди Рама, го обвини дека две години го попречувал функционирањето на новите правосудни институции и Уставниот суд.

Шефот на државата обвинува дека премиерот ги уценувал членовите на Советот за наименувања во правосудството со процесот на проверка на пoтеклото на имотот на судиите и обвинителите, наречен ветинг, и ги дезинформирал поранешниот американски Доналд Лу и ексамбасадорот на мисијата на ЕУ во Тирана, Ромина Влахутин, кои биле директно вклучени во процесот.

Мета зборувал и на причините зошто Рама ја нападнал првата институција на праводусната реформа.

-Ја нападна бидејќи членовите на КЕД во 2017 година не реагираа на интересите и вкусовите на премиерот. Тој изврши притисок да поднесат оставка или ќе ги разреши повеќето членови на КЕД, како што вети и јавно се закани. Во меѓувреме, празнењето на Уставниот суд беше проектирано и почна да го спроведува – обвинува Мета.