Интернетот не би бил интернет, ако не постојат луѓе со смисла за црн хумор и вишок на слободно време.
Сите ги знаеме приказните за озлогласениот Ким Џонг Ун, кој важи за суров диктатор, како и за неговите методи за казнување.

Го знаеме и тоа дека во Северна Кореја никој не е сигурен од неговите казни, па дури ниту неговото семејство и пријатели.

Но, го знаеме и тоа дека интернетот е уште посурово место од Северна Кореја, па буквално цел свет се шегува на сметка на Ким по социјалните мрежи.

Само што сега не е во прашање ниту една социјална мрежа, туку, верувале или не, Гугл Мапс.
Ако напишете на Гугл Мапс, „Пјонгјанг, Северна Кореја“ и кликнете буквално на кој било парк, музеј, ресторан, споменик, слатко ќе се насмеете.

Секако, за тоа да се случи, важно е да имате смисла за црн хумор.

Ова се само дел од коментарите кои ќе ве насмеат: „Едно од најдобрите места за бесење на сите предавници, сите можат да видат јасно како ден. По бесењето, сите гладни деца можат да ги јадат телата. Тоа е добитна комбинација за сите“, „Ми се допаѓаат отсечени глави и обесени тела. Вистинско уметничко дело. Би сакал да сум пораснат така. Убивајќи се меѓусебно… Звукот на музиката“,  „Ова ми е омилено место за врховниот лидер да ми ги отсече прстите на нозете“, „Нема ВИ-ФИ, тоа е тоа. Но би дошол повторно, Внимавајте на нагазни мини“, „Ме убија овде…убав одмор“, гласат само некои од пораките на социјалните мрежи.