Аргентинецот, кој во Париз ја освои рекордната седма „Златна топка“ во кариерата, има предлог за првите луѓе на „Франс Фудбал“ кои ја доделуваат наградата за најдобар фудбалер на светот.

Откако официјално Лионел Меси беше прогласен за играч на годината, многумина преку социјалните мрежи коментираат дека играчот на ПСЖ не ја заслужи наградата, туку Роберт Левандовски, кој претходно беше прогласен за најдобар напаѓач на светот.

Со тоа се согласува и самиот Меси кој во говорот по добивањето на новата „Златна топка“ им испрати порака на луѓето од францускиот магазин:

– Сакам да го споменам Роберт Левандовски, ми беше чест да се натпреварувам со него за оваа награда. Сите знаат и сите се согласуваме дека тој заслужи да биде победник за минатата година.

Мислам дека „Франс Фудбал“ треба да му ја даде Златната топка за 2020. Ти ја заслужуваш Роберт, и треба да ја имаш во својот дом – рече Меси.

Левандовски ја освои наградата за најдобар напаѓач на светот