Лионел Меси сака да донесе одлука за продолжување на кариерата во наредните денови, а неговата блиска пријателка и позната новинарка Вероника Брунати денеска ги откри сите понуди за Аргентинецот.

Според нејзините информации, кои скоро сигурно важат и за најсигурни, Меси има официјални понуди од Ал Хилал и Интер Мајами и неофицијална од Барселона, на која сè уште чека.

– Медиумите во Саудиска Арабија тврдат дека Меси во следните 48 часа може да прифати понуда од дури 600 милиони долари по сезона или 1,2 милијарди за две години. Тоа е клуб кој има најмногу трофеи во таа земја, а Меси би бил и амбасадор на туризмот на Саудиска Арабија. Иако приоритет му е кариерата да ја заврши во Барселона, клубот сè уште чека одговор од „Ла Лига“ поради финансискиот „фер-плеј“ и затоа Меси сè уште не доби официјална понуда. Барса сепак верува дека на 6 јуни ќе добие позитивен одговор. Што се однесува до Интер Мајами, тие му нудат 10% од сумата што му ја нудат од Арабија – откри Брунати на својот Твитер.

Истовремено, бројни извори тврдат дека Меси во моментов е најблиску до Ал Хилал, освен доколку Барса во последен момент не направи пресврт и во итна постапка не се договори со „Ла Лига“. Сепак, денешната изјава на претседателот Хавиер Тебас не влева доверба.

– Враќањето на Меси? Тоа зависи од Барселона и тоа е прашање за луѓето во клубот – рече Тебас.

Конечниот одговор од „Ла Лига “се очекува во вторник, а воедно и дали Меси веднаш ќе ја прифати понудата од Барса или Ал Хилал…

Situación de Lionel #Messi a día de hoy después de terminar su etapa en Paris.
✅ Los medios Saudíes informan que en 48 hs el futbolista debe presentarse en Arabia para firmar su vínculo con el club Al – Hílal por 600 millones de dólares. Es el club con mas títulos de Arabia…

— Veronica Brunati (@verobrunati) June 4, 2023

ПСЖ се збогуваше со Меси: Задоволство беше да те гледаме две години во Париз