Кристијано Роналдо за португалската телевизија ТВ1 призна дека долгогодишното ривалство со ѕвездата на Барселона и на Аргентина, Лионел Меси го натера да стане подобар фудбалер. Токму нивното ривалство се смета за најголемото во историјата на фудбалот но и едно од најголемите во спортот воопшто.

– Навистина му се воодушевувам на кариерата на Меси, а тој самиот кажа дека имаше проблеми кога јас си заминав од Реал Мадрид бидејќи тоа беше ривалство кое го почитуваше. Ваквите ривалства се многу добри, но тоа меѓу Меси и мене не е единствено. Мајкл Џордан имаше големи ривали во кошарката, а тука е и ривалството помеѓу Аиртон Сена и Алан Прост во Формула 1. Она што е заедничко за сите тие ривалства е што се добри за спортот. Меси без сомнение ме направи подобар фудбалер, како што и јас него го направив подобар фудбалер – вели Роналдо.

Португалецот истакна дека професионално секогаш добро се согласувал со Меси, но во приватниот живот не се блиски пријатели и се надева дека во иднина тоа може да се промени.

– Никогаш заедно не сме биле на вечера ,но можеби тоа ќе го направиме во иднина, зашто да не? Немам никакви проблеми со тоа, тој е Аргентинец, исто како и мојата сопруга – порача Роналдо.