Како што информира Сем Ли, Манчестер сити ги започна преговорите со ѕвездата на Борусија Дортмунд, Ерлинг Халанд.

Составот на Пеп Гвардиола игра сезона од соништата. Моментно се на чекор од освојување на Премиер лигата, пласман во четвртфиналето од Лигата на шампионите и полуфиналето на ФА купот.

Во четвртфиналниот натпревар од ЛШ, „граѓаните“ ќе играат против Борусија Дортмунд, а фокусот ќе биде на норвешкиот фудбалер, Ерлинг Халанд. Тој не е среќен во Борусија, а Сем Ли, еден од најпознатите новинари за сето тоа што се случува во Манчестер сити, вели дека Алфи Халанд, таткото на Ерлинг, бил контактиран пред неколку недели.

Гвардиола истакна дека нема време да ги гледа настапите на Халанд, но можно е тоа да го направи во текот на репрезентативната пауза. Воедно Реал Мадрид се посочува како голема конкуренција на клубот од „Етихад“ за потписот на норвешкиот играч кој до сега сезонава постигна 33 голови, три повеќе од Кристијано Роналдо, а четири помалку од Меси.

Доколку, по истекот на договорот со Барселона, Лионел Меси одлучи да игра за Сити со Халанд и повторно соработува Аргентинецот со Гвардиола, нема сомнение дека овој премиерлигашки гигант ќе биде главен фаворит за освојување на сите титули и следната сезона.

Одлуката за својата иднина, Меси ќе ја донесе по крајот на сезоната