Меси и Фати за нов триумф на Барселона (ВИДЕО)
Каталонскиот клуб уште од првото полувреме играше со играч помалку но и тоа не им пречеше за да дојдат до убедлив триумф.
Барселона под водство на тренерот Роналд Куман е далеку поинаков тим од тоа што беше минатата сезона. Во новата сезона, со нов тренер, каталонците во два натпревари во Ла Лига имаат две победи, но што е поважно играат далеку подобро од ланската сезона.
Каталонците славеа со 0:3 на гостувањето кај Селта иако поголем дел од натпреварот го играа со играч помалку поради црвениот картон на Клемен Ленгле.
Тинејџерот Ансу Фати уште еднаш покажа дека е на добар пат да стане фудбалска суперѕвезда и во 11. минута му носи водство на својот тим.
Барселона во 51. минута поведе со 2:0 по мајсторијата на Лионел Меси кој нанижа неколку дефанзивци на Селта пред да го совлада голманот Нето. Точка на натпреварот стави Серхио Роберто во судиското продолжение.
Резултати:
Атлетик Билбао – Кадиз 0:1
Севиља – Леванте 0:1
Селта – Барселона 0:3