Меса: Моралес не треба да биде претседателски кандидат – Слободен печат
ВестиПланета

Меса: Моралес не треба да биде претседателски кандидат

Моралес, кој дојде на власт во 2006 година, ја бранеше својата победа на изборите, но истакна дека ќе ги прифати заклучоците на ОАД.

Кандидатот на боливиската опозиција Карлос Меса изјави денеска дека актуелниот претседател Ево Моралес не треба да биде кандидат на новите избори за шеф на државата.

Моралес, претходно денеска изјави дека ќе распише нови претседателски избори бидејќи Организацијата на американските држави (ОАД) објави извештај во кој се наведува оти резултатите од претходните избори, на кои тој е реизбран за четврти мандат, треба да се поништат поради нерегуларности.

Победата на Моралес на минатомесечните избори покрена протести низ целата земја.

Моралес, кој дојде на власт во 2006 година, ја бранеше својата победа на изборите, но истакна дека ќе ги прифати заклучоците на ОАД.

– Манипулацијата со компјутерскиот систем беше од голем обем и боливиската држава тоа мора детално да го истражи за да се утврди кој е одговорен. Првиот круг од изборите одржани на 20 октомври треба да биде поништен и изборите да се повторат, нагласи ОАД, додавајќи дека гласањето треба да се одржи штом ќе се создадат услови кои ќе гарантираат непречено одвивање, што подразбира и нов состав на изборно тело.

Статистички, според оценката на ОАД, малку е веројатно дека Моралес обезбедил победа во првиот круг.

Моралес синоќа повика на итни преговори со опозицијата поради повеќенеделните немири кои ја зафатија земјата, барајќи дури и од папата Франциско да се вклучи во разговорите.

Во протестите досега се убиени тројца луѓе, а повеќе од 300 се повредени.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close