МЕРКИ ЗА ПРЕТПАЗЛИВОСТ: Цели седум дена речиси два милиони луѓе може да останат без струја во Калифорнија

Фото: Профимедиа/Илустрација

Компанијата „Пацифик гас и електрична енергија” соопшти дека оваа недела речиси два милиони луѓе во 30 окрузи во Калифорнија би можеле да бидат без електрична енергија поради силни и суви ветрови кои можат да предизвикаат пожари.

Компанијата соопшти дека в среда ќе ја исклучи електричната енергија од претпазливост и ги повика жителите и деловните субјекти да се подготват да бидат без електрична енергија дури седум дена.

Струјата ќе биде исклучена и во 67 училишта, јави Си-Ен-Ен.

Компанијата претходно објави дека е „можно” опремата за дистрибуција на електрична енергија да предизвикала еден од најсмртоносните пожари во Калифорнија во 2018 година, кога поради далекуводи се запалија дрвја во нивна близина.

Истрагата на калифорнискиот Оддел за шумарство и заштита од пожари открила дека компанијата е одговорна за пожарот во кој загинаа 85 лица.

Метеоролозите најавија дека в среда ќе почне да дува силен ветер, кој поради ниска влажност би можел брзо да рашири пожар.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот