Меркел: Северна Македонија значително ја подобри својата позиција за приближување кон ЕУ - Слободен печат
ВестиМакедонија

Меркел: Северна Македонија значително ја подобри својата позиција за приближување кон ЕУ

Македонија прави крупни чекори напред во реформите и значително ја подобри својата позиција за приближување кон ЕУ, се наведува во соопштението од Кабинетот на германската канцеларка Ангела Маркел.

„Северна Македонија натамошно се ориентира кон ЕУ и НАТО. Земјата во изминативе години амбициозно го реформира својот безбедносен сектор и прави големи чекори напред на полето на владеењето на правото и демократијата. Владата се обврза да продолжи со започнатите реформски чекори“, се наведува во проширеното соопштение од кабинетот на Меркел..

За разлика од првото соопштение од средбата кое беше насловено „Зацврстување на стабилноста на Балканот“, во новото е сменет и насловот, па сега се вели „Натамошна промоција на европската интеграција“.

Во проширеното соопштение од кабинетот на германската кацеларка издадено по средбата со нашиот премиер се апострофира дека по извесното членство во НАТО, ќе следи и приближување кон ЕУ.

„По согласноста на 29 членки на НАТО, Северна Македонија најдоцна во 2020 година ќе стане 30 членка на Алијансата. И во поглед на Европа, Северна Македонија значително ја подобри својата позиција за приближување кон ЕУ“, се вели во изјавата од Кабинетот на германската канцеларка.

Заев утрово во Берлин разговараше со Меркел за европските перспективи на земјата. По средбата, Заев за Дојче веле изјави дека е многу охрабрен од разговорите со Меркел

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close