Меркел се предомисли, нема одлука за нови рестриктивни мерки
Германскиот политички врв се согласи да се одложи до 25 ноември носењето на одлука за дополнителни антиепидемиски мерки во земјата, изјави денеска канцеларката Ангела Меркел.
Таа истакна дека поголемиот број на сојузни држави не биле согласни за заострување на мерките пред крај на следната недела.
– Јас можев да прифатам зголемување на рестриктивните мерки и денеска, но за таква одлука немаше потреба од мнозинство, истакна Меркел.
По состанокот на федералната влада и сојузните држави на Германија, таа објавила дека одлуката за заострување на постојните мерки е одложена за 25 ноември и апелирала до граѓаните да ги намалат своите социјални активности и контакти на најнизок можен минимум, објави Ројтерс.
-Мерките што сега се на сила сè уште не го променија трендот на раст на бројот на заразени, но успеавме да ја скротиме динамиката на инфекција- вели Меркел, додавајќи дека формулата за успех е намалување на социјалната интеракција и контактите.