Меркел се „отру“ во Њу Делхи (ФОТО)
Германската канцеларка Ангела Меркел доби, отровен пречек во Њу Делхи, како што процени АП, додека со премиерот на Индија, Нарендра Моди се движеше пред почесната гарда поставена во нејзина чест.
Моди и Меркел се прошетаа покрај почесната гарда пред претседателската палата, вдишувајќи којзнае колку отров од загадениот воздух во Њу Делхи, наведе агенцијата, истакнувајќи дека како и многу пати Меркел морала да седне за време на интонирањето на химната.
Меркел и Моди денеска се договорија двете земји да ја подобрат соработката во борбата против климатските промени, кибер безбедноста, развојот на вештини, вештачката интелигенција, енергетската безбедност, цивилното воздухопловство и одбраната.
За време на средбата во Њу Делхи беа потпишани и неколку договори.
Моди рече дека Индија се обидува да оствари профит, додека Меркел за време на средбата рече дека нејзината земја би сакала да соработува со Индија на инфраструктурни проекти, водоснабдување и третирање на отпад.
Германија е најголем трговски партнер на Индија во Европа.
ВОНРЕДНА СОСТОЈБА ВО ЊУ ДЕЛХИ: Училиштата затворени поради загаденост на воздухот