Меркел: Потребно е да се најде мирно решение за ситуацијата во Хонгконг – Слободен печат
ВестиПланета

Меркел: Потребно е да се најде мирно решение за ситуацијата во Хонгконг

Таа сепак нагласи дека Германија спроведува проверки на инвестициите во одредени стратешки сектори и клучната инфраструктура.

Потребно е да се најде мирно решение за ситуацијата во Хонгконг, изјави германската канцеларка Ангела Меркел на средбата со кинескиот премиер Ли Кечијанг.

Таа додаде дека трговската војна меѓу Кина и САД влијае врз целиот свет и изрази надеж дека наскоро ќе се реши.

– Се надеваме дека ќе има решение во трговскиот спор со САД затоа што тој влијае врз целиот свет – му рекла Меркел на кинескиот премиер на почетокот од дводневната посета на Кина.

Канцеларката додаде дека Германија е отворена за кинески инвестиции и ги повика сите кинески компании да инвестираат во нејзината земја.

Таа сепак нагласи дека Германија спроведува проверки на инвестициите во одредени стратешки сектори и клучната инфраструктура.

На заедничката прес-конференција во Пекинг со Меркел, Ли рече дека Кина сака да ги спречи немирите во Хонгконг, каде веќе неколку недели се одржуваат протести.

Ли додаде дека Кина се надева оти Германија ќе прифати уште кинески компании и ќе ги ублажи правилата за извоз на одредени стоки.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close