Германската канцеларка Ангела Меркел истакна дека сега е важно да се дејствува исправно, храбро и одлучно за да може Германија да излезе од најтешката економска криза во својата историја.

Во неделната порака, Меркел истакна дека мерките договорени оваа недела го обединуваат класичниот пакет за подигнување на економијата и пакетот насочен кон иднината.

Класичниот пакет за економска поддршка ќе ги развива своите активности во 2020 и 2021 година, додека долгорочниот пакет за иднината од 50 милијарди евра ќе биде потребен затоа што со климатските промени и дигитализацијата се менува и начинот на стопанисување.

Според неа, германската влада во пакетот за иднината со климатските промени се справува со стратегија за водород, која ќе биде решително спроведена.

Таа исто така најави дека обновливите извори на енергија и санацијата на зградите ќе бидат посилно поттикнати, и ќе се случи целосна промена на мобилноста.

Исто така, ќе се интензивираат и напорите во областа на дигитализацијата, а во овој поглед, Меркел вели дека ќе се охрабрат вештачката интелигенција и изградбата на побрзи мрежи.

– Се работи за обезбедување на брза дигитална настава на училиштата, истакна таа и додаде дека сите овие чекори се можни само благодарение на фактот што економијата се водеше добро во последните години.

Меркел истакна дека за овие импулси ќе биде потребно и ново задолжување, но тоа не значи дека во наредните години не е потребно цврсто управување со буџетот