МЕПСО апелира земјоделците да внимаваат во близина на далноводите
Земјоделците внимателно да ракуваат со земјоделската механизација и со опремата во близина на далноводите од дистрибутивната мрежа, апелира денеска од Штип портпаролот на МЕПСО, Никола Стојанов.
– Системите за распрскување никогаш да не се поставуваат во трасите на далеководите бидејќи се изложуваат на огромен ризик по нивните животи и животите на оние кои се во нивната околина. Затоа ги замолуваме сите земјоделци системите за наводнување никогаш да не ги поставуваат во трасите на далеководите и алуминиските цевки кои што ги користат за наводнување да не ги креваат во височина во далеководните коридори – изјави Стојанов.
Земјоделците по жетвените активности ги палат стрништата. Токму оваа нивна навика ја загрозува доверливоста на електроенергетскиот систем.
Стојанов апелира и риболовците да бидат внимателни при користење на опремата во близина на далеководи.