Претседателот на Демократската партија на Албанците (ДПА) Мендух Тачи во партиското седиште во Тетово денеска се сретна со амбасадорот на Австрија Георг Вуцас.

На средбата, според информативниата служба на ДПА, се разговарало за борбата со пандемијата Ковид-19, која ескалира на глобално ниво, актуелните политички теми, процесот на интеграција на земјата во Европската унија и економскиот развој.

– Претседателот Тачи ја истакна важноста на процесот на интеграција и истакна дека ДПА секогаш останува посветена на процесот на интеграција на земјата во ЕУ, истакнувајќи дека евроатлантскиот процес заедно со владеењето на правото и економскиот развој е исто така дефиниција за ДПА, соопштија од партијата.

Во својот говор, амбасадорот Вуцас ја потенцирал поддршката на Австрија за евроатланската определба и соработката меѓу двете земји на патот на Северна Македонија кон ЕУ.

-Тој исто така рече дека австриската амбасада ќе продолжи да ја поддржува земјата во спроведувањето на потребните реформи кои овозможуваат функционирање на државата во согласност со западните демократски вредности, соопштија од ДПА.