Мендеш во акција, го враќа Роналдо во Јунајтед
Екипата на Јувентус има лоша сезона за нивните стандарди, „старата дама“ испадна од Лигата на шампионите, а ќе остане и без титулата во Серија А што ќе значи крај на деветгодишната доминација во Италија.
На претседателот Андреа Ањели кој како главна цел ја означи титулата во ЛШ, не му помогна ниту Кристијано Роналдо. Португалецот ја игра третата сезона во Серија А, а според пишувањата на италијанските и англиските медиуми, најверојатно ова е негова последна во Јувентус.
Роналдо во Јувентус не ги задоволи своите амбиции и не успеа да го прекине „проклетството“ на италијанскиот тим во Лигата на шампионите, а наводно и самиот смета дека екипата не е доволно квалитетна за да го нападне трофејот.
Поради тоа, англичаните трвдат дека неговиот агент Жорге Мендеш се фрли на работа и веќе ги контактирал претставниците на Манчестер јунајтед.
Роналдо е подготвен дури и да се согласи за големо намалување на платата, која сега изнесува 31 милион евра, и само за да се врати на „Олд трафорд“ каде повторно ќе се бори за трофеите планира да игра за 15-16 милиони евра по сезона.