Меланија Трамп мета на критики по „морбидната“ роденденска честитка на синот Барон
Уште пред да ја напушти Белата куќа, Меланија Трамп реши да се дистанцира од социјалните мрежи и медиумите, но сега направи мала отстапка споделувајќи еден особено важен настан.
Точно два месеци откако се пресели со своето семејство од Вашингтон и Белата куќа во Палм Бич, Флорида, Меланија Трамп „се врати“ на социјалните мрежи со посебна објава на својот твитер-профил.
Имено, на 20 март, нејзиниот син Барон го прослави својот 15 роденден, па гордата мајка реши да му го честита роденденот со два црни балони со броеви во знакот на годините на Барон, а во описот на фотографијата напиша само „Среќен роденден БВТ“. Имено, „БВТ“ се иницијалите на нејзиниот син Барон Вилијам Трамп.
Happy birthday BWT ❤️❤️❤️ pic.twitter.com/8AVZEhLeMg
— MELANIA TRUMP (@MELANIATRUMP) March 20, 2021
Иако нејзината објава за кратко време доби над 60 илјади лајкови, сепак на многумина воопшто не им се допадна изборот на честитката, па веднаш почнаа со критиките.
Голем број корисници на „Твитер“ почнаа да ја критикуваат Меланија прашувајќи се зошто одбрала на таков начин да му го честита роденденот на сопствениот син, зошто не нашла некоја посреќна фотографија, забележувајќи дека црните балони се „прилично морбидни“.
За разлика од нејзиниот сопруг Доналд Трамп, Меланија сè уште има пристап до социјалните мрежи и не ѝ е забрането да објавува.
Наскоро по напуштањето на Белата куќа, Меланија откри дека повторно ја отворила канцеларијата посветена на нејзините потфати, која во минатото се фокусираше на благосостојбата на децата, подигање на света за нацоионалната криза со опиоди, како и предупредување за „сајбер булинг“.