Првата дама на САД, Меланија Трамп, ја опоменала професорката, која во текот на сослушувањето во процесот на отповикување на Доналд Трамп, направила шега на сметка на името на нивниот син, Барон.

Професорката на универзитетот Стенфорд, Памела Карлан, во текот на сослушувањето ја истакнала разликата меѓу монархијата и демократските влади кога го спомнала синот на Трамп, правејќи шега за разликата меѓу претседателите и кралевите, пренесува Си-ен-ен.

„Претседателот може својот син да го нарече Барон, но не може да го прогласи за барон“, рекла Карлан.

Меланија Трамп изреагирала на тоа, велејќи ѝ на професорката дека треба да се засрами поради таквата изјава.

„Малолетното дете заслужува приватност и треба да биде надвор од политика. Памела Карлан, треба да се засрамите од вашиот бес и очигледно пристрасното јавно користење на дете“, напиша Меланија Трамп на „Твитер“.

Памела Карлан се извинила и рекла дека згрешила.