Мексико не се откажува од апсењето на синот на Ел Чапо – Слободен печат
ВестиПланета

Мексико не се откажува од апсењето на синот на Ел Чапо

Претседателот на Мексико Андрес Мануел Лопез Обрадор изјави дека со одлуката да се ослободи Овидио Гузман се „спасиле животи", но најави дека ќе биде издадена нов налог за апсење.

Претседателот на Мексико денеска соопшти дека неговата Влада не се откажува од апсењето на синот на познатиот наркобос Хоакин „Ел Чапо” Гузман кога ќе се исполнат условите тоа да се направи безбедно.

Синот на Ел Чапо, Овидио Гузман, кусо беше приведен во четвртокот во северниот дел на Мексико, по што избувнаа насилни судири меѓу безбедносните сили и припадници на моќниот картел Синалоа, и тој беше ослободен.

Претседателот на Мексико Андрес Мануел Лопез Обрадор изјави дека со одлуката да се ослободи Овидио Гузман се „спасиле животи”, но најави дека ќе биде издадена нов налог за апсење.

Еден од најмоќните светски наркобосови, 62-годишниот Ел Чапо, беше осуден на доживотен затвор плус 30 години дополнителна затворска казна.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close