Мексико го одобри барањето на поранешниот претседател на Боливија, Евро Моралес, за добивање на политички азил, изјавил во понеделникот навечер мексиканскиот министер за надворешни рабтои Марсело Ебрард.

„Мексиканското министерство за надворешни работи…. одлучи да му обезбеди политички азил на г-дин Ево Моралес од хуманитарни причини“, изјави Ебрард на прес-конференција.

Шефот на мексиканската дипломатија рече дека Мексико го дал предлогот од хуманитарни причини.

„Штотуку го добив повикот од претседателот Моралес. Тој одговори на нашиот предлог и побра усно и формален политички азил во нашата земја“, рече Ебрард пред новинарите.

Тој претходно во понеделникот рече дека Мексико е подготвен да му обезбеди прибежиште на Моралес на територијата на својата дипломатска мисија во Ла Паз, каде што веќе се наоѓаат 20 боливиски функционери и пратеници.