Меконел: Трамп мора да побара истрага за евентуални неправилности на изборите
Лидерот на републиканското мнозинство во американскиот Сенат, Мич Меконел изјави дека претседателот Доналд Трамп мора да побара истрага за евентуални „неправилности” на претседателските избори во земјата што се одржаа минатата недела.
Во говорот во Сенатот, Меконел не ги призна Џо Бајден и Камала Харис за избрани претседател, односно потпретседател на САД.
– Претседателот Трамп има стопроцентно право да ги испита наводите за неправилности и законски опции, рече Меконел.
Републиканскиот лидер во Претставничкиот дом, во кој демократите имаат мнозинство, Кевин Мекарти во неделата за „Фокс њуз“ изјави дека треба да се слушнат сите правни аргументи пред Американците да одлучат „кој ја добил трката”.