Мекиќ: Секое дерби носи посебни емоции, МЗТ Скопје секогаш ја носи фаворитската улога

Адем Мекиќ со 27 постигнати поени беше најпрецизен во тимот на МЗТ Скопје/фото: КФСМ

МЗТ Скопје го совлада Работнички со 79:78 во Суперкупот што претставува одлична најава за стартот на новата сезона, а најголеми заслуги за триумфот на „металците“ одат на сметка на Адем Мекиќ.

Крилото на МЗТ Скопје Аеродром беше најпрецизен во својот тим со 27 постигнати поени, а имаше и седум скокови.

– Секое дерби носи посебни емоции и посебна радост. Не се важни заедничките тренинзи, буџетите и слично, секој натпревар меѓу Работнички и МЗТ Скопје е приказна за себе. Добро е што се возобнови Суперкупот и што по подолго време игравме со публика бидејќи ова е тоа за што ние тренираме и играме. МЗТ Скопје секогаш ја носи фаворитската улога, има многу екипи кои направија одлични состави, но ние секогаш одиме на сите трофеи – изјави Мекиќ.

Видео на денот